Цэнтр моды і стылю M.Y.STUDIO сумесна з і Дзіцячымі дамамі сямейнага тыпу Бабуль і Буглак арганізуюць дабрачынны Модны праект Kids Fashion Zone, які адбудзецца 23 лістапада 2019 года ў Victoria Olimp Hotel. Мерапрыемства прымеркавана да Сусветнага дня дзіцяці (20 лістапада).
Месца правядзення: г. Мінск, пр-т Пераможцаў, 103, Victoria Olimp Hotel.
Час правядзення: 14.00-19.00.
У рамках праекта пройдзе паказ дзіцячага адзення беларускіх дызайнераў. На подыум выйдуць сумесна дзеці, якія навучаюцца ў Цэнтры моды і стылю M.Y.STUDIO, і дзеці, якія засталіся без бацькоўскай апекі, і якія выхоўваюцца ў Дзіцячых дамах сямейнага тыпу (ДДСТ).
Мэта праекта – даць роўныя магчымасці для дзяцей розных сацыяльных катэгорый, каб яны маглі выказаць сваю індывідуальнасць ў паказе дзіцячай моды з выхадам на прафесійны подыум.
Ідэя стварэння моднага праекта Kids Fashion Zone належыць выдатнай жанчыне – Марыі Жураўлёвай. Яна мае інваліднасць і па асабістым вопыце ведае, як выхоўваць дзіця з асаблівымі патрэбамі. Нягледзячы на складаную асабістую сітуацыю Марыя знаходзіць у сабе сілы і мужнасць, каб пераадольваць усе цяжкасці праз творчасць. Выхаванцамі адукацыйнага цэнтра з'яўляюцца дзеці самых розных катэгорый, а калектыў установы стварае ўсе ўмовы для развіцця творчых здольнасцяў навучэнцаў, самарэалізацыі іх асобы.
Марыя Жураўлёва: «Праблема сіроцтва застаецца актуальнай у нашай краіне ўжо многія гады. Вельмі хочацца дапамагчы дзецям, якія воляю лёсу засталіся без бацькоў. Так, мы не зможам даць ім матчыну любоў, але пастараемся сваім праектам ўключыць іх у яскравы сацыяльны асяродак, даць шмат новых ведаў і цікавых уражанняў, даць ім магчымасць стаць часткай маштабнага праекта. Я ўпэўнена, што вопыт, які атрымаюць дзеці, спатрэбіцца ім у далейшым».
Бабуль Марына, прыёмная маці-выхавальніца: «Кожнае дзіця павінна жыць у сям'і. Але, на жаль, жыццё часам складваецца так, што дзеці па розных прычынах застаюцца без бацькоў... Я ўдзячная лёсу за тое, што магу дапамагчы хоць некаторым дзецям здабыць дом, сям'ю, а ў нашай асобе – бацькоў, якія любяць. Вось ужо 8 гадоў у нашай сям'і выхоўваюцца дзеці з цяжкім лёсам. Мы стараемся даць ім усё неабходнае, а галоўнае выхаваць сумленных, прыстойных людзей, вучым жыць у атмасферы даверу і павагі. Мы вучым іх, а яны, у сваю чаргу, шмат чаму вучаць нас... Дзень за днём я бачу, як расцвітаюць і адтаваць іх сардэчкі, як зноў яны вучацца давяраць свету, як імкнуцца да новага і растуць як асобы. Бязмерна ганаруся сваімі дзецьмі і вельмі спадзяюся, што ў дарослым жыцці яны пабудуюць моцныя сям'і і будуць у любові і ўзаемаразуменні выхоўваць сваіх дзяцей!»
Праект аб'ядноўвае ў сабе творчых людзей Беларусі, якія робяць адну агульную справу: у праекце бяруць удзел беларускія дызайнеры, гандлёвыя маркі і беларускія брэнды, а таксама мадэльныя агенцтвы і школы, на базе якіх праводзіцца комплекснае навучанне асновам дэфіле. Праект падтрымліваюць радыё- і тэлевядучыя, артысты беларускай эстрады.
Усе сродкі, сабраныя за ўваходныя квіткі на праекце, будуць пералічаныя на дабрачынныя рахункі ДДСТ.
Для дадатковай інфармацыі:
- Цэнтр моды і стылю M.Y.STUDIO, Марыя Журавлёва +375297562209
- Установа па аказанні дапамогі ў складанай жыццёвай сітуацыі «Лёс і надзея»,
Наталля Шэх +375297738582
- Дзіцячы дом сямейнага тыпу, Марына Бабуль + 375297575467
