Установа па аказанні дапамогі ў складанай жыццёвай сітуацыі «Лёс і надзея», Цэнтр падтрымкі сям'і і мацярынства «Матуля» у партнёрстве з Галерэяй TUT.BY арганізуюць дабрачынны творчы вечар «Разам», прымеркаваны да Міжнароднага дня сям'і (15 мая).
Дата: 14 мая 2018 года.
Месца: Галерэя TUT.BY, пр. Дзяржынскага, 57, 9 паверх.
Час: з 18.30 да 21.00.
Сям'я - гэта наша каштоўнасць. Сям'я дае падтрымку, разуменне, душэўную цеплыню і стан шчасця, да якога мы ўсе імкнемся. На жаль, у сучасным свеце празмерная захопленасць інтэрнэтам прыўносіць у адносіны раз'яднанасць. Прапануем на гэтым сямейным мерапрыемстве на некалькі гадзін адыйсці ад паўсядзённай мітусні, праслухаць невялікую карысную лекцыю-прэзентацыю пра сучасныя складанасці выкарыстання інтэрнэта дзецьмі і правесці час разам за займальным творчым заняткам.
Праграма мерапрыемства:
18.30-19.00 Прэзентацыя «Бяспека дзяцей у інтэрнэце» для бацькоў, якую правядзе юрыст Кацярына Гурэева, і творчыя майстар-класы для дзяцей.
19.00-21.00 Кава-паўза і майстар-клас «Мандала». Праводзіць фларыст Юлія Антух.
Удзел бясрлатны па папярэдняй рэгістрацыі.
Кантакты:
+375 (29) 773-85-82 Наталля
+375 (25) 718-94-61 Ірына
