У Мінскім дзяржаўным прафесійна-тэхнічным каледжы лёгкай прамысловасці і комплекснай лагістыкі 13 і 17 кастрычніка адбылася акцыя ў падтрымку мацярынства. Мерапрыемства прымеркавана да Дня Маці (14 кастрычніка), а яго мэта – распаўсюд інфармацыі пра магчымасці і падтрымку будучых матуль з боку спецыялістаў і дабрачынных арганізацый.
Ініцыятарамі правядзення акцыі сталі дзяўчыны, якія вучацца ў гэтым каледжы, а само мерапрыемства выклікала цікавасць не толькі ў вучняў, але і ў выкладчыкаў, якія атрымалі карысныя ў педагагічнай працы матэрыялы. Усім зацікаўленым у каледжы - і моладзі, і педагогам - валанцёры Установы па аказанні дапамогі ў складанай жыццёвай сітуацыі «Лёс і надзея» падалі буклеты з інфармацыяй аб развіцці дзіцяці да нараджэння, аб арганізацыях, якія аказваюць дапамогу пры крызіснай цяжарнасці, буклеты з кантактамі кансультантаў-псіхолагаў, гінеколагаў і іншых спецыялістаў, а таксама з пазітыўнымі прыкладамі мацярынства.
Мерапрыемства арганізавана Установай па аказанні дапамогі ў складанай жыццёвай сітуацыі «Лёс і надзея», АБА «Цэнтр падтрымкі сям'і і мацярынства «Матуля» і АБА «Выратаванне немаўлят». Нашы арганізацыі выступаюць за падтрымку мацярынства і аказваюць дапамогу жанчынам у сітуацыі крызіснай цяжарнасці.
