Установа па аказанні дапамогі ў складанай жыццёвай сітуацыі «Лёс і надзея» і Галерэя TUT.BY пад дэвізам «Тэрыторыя мастацтва - тэрыторыя роўнасці» сумесна арганізуюць для мам з дзецьмі майстар-клас па фларыстыцы «Восеньскія вяночкі». Мерапрыемства прымеркавана да Дня Маці (14 кастрычніка).
Дата правядзення: 14 кастрычніка 2017 года.
Час: з 15.00 да 18.00.
Месца правядзення: Галерэя TUT.BY, пр-т Дзяржынскага, 57, 9 паверх.
Мацярынства прыносіць радасць, нават калі ў жыцці мамам даводзіцца перажываць і засмучэньні: інваліднасць і хваробы ў дзяцей, выхаванне іх у адзіноце, расстанні... Удзельнікамі майстар-класа стануць мамы з рознымі лёсамі, але аб'яднаныя самаадданай любоўю да сваіх дзяцей. Мы прапануем ім аб'яднацца на некаторы час і ў сумеснай творчасці, каб адчуць радасць восеньскага свята.
Майстар-клас праводзіць прафесійны фларыст Юлія Антух, выпускніца Творчай майстэрні "Нэст Арт" па спецыяльнасці "Фларыстыка» і Рыжскай Школы аранжыроўкі кветак Рыты Гарасілс. Неаднаразовы ўдзельнік семінараў па фларыстыцы міжнароднага класа і прызёр штогадовага конкурсу "Елкі ў вялікім горадзе" (Мінск): - Мамы разам з дзецьмі аформяць прыгожыя восеньскія вяночкі, якія паслужаць цудоўным упрыгожаннем кватэры, зробяць яе ўтульнай і прынясуць радасць і душэўную цеплыню сем'ям. У якасці матэрыялу паслужаць разнастайныя восеньскія дары: галінкі, розныя каляровыя лісточкі, плады каштанаў, гронкі рабіны і іншых ягад. Збор усіх матэрыялаў для майстар-класа - не менш займальнае заданне, якое атрымаюць мамы з дзецьмі напярэдадні мерапрыемства. Калі чаго-небудзь з матэрыялаў яны не збяруць - не бяда. Мы абавязкова знойдзем што-небудзь патрэбнае ў адмысловым чароўным куфэрку.
У канцы творчага мерапрыемства адбудзецца фотасесія ўдзельнікаў са сваімі восеньскімі творамі.
Удзел у мерапрыемстве па папярэдняй рэгістрацыі.
Кантакты:
+375 29 773-85-82 Наталля Шэх, спецыяліст па сувязях з грамадскасцю
