Адной з мэтаў праекта «Я нарадзіўся!» з'яўляецца навучанне бацькоў і спецыялістаў па тэме развіцця дзяцей з сіндромам Дауна, якое дазваляе па-новаму ацэньваць магчымасці дзяцей з асаблівасцямі псіхафізічнага развіцця. 4 кастрычніка 2019 г. у рамках праекта на базе ДУ "Мінскі гарадскі цэнтр сацыяльнага абслугоўвання сям'і і дзяцей" адбыўся семінар на тэму «Асаблівасці развіцця дзяцей з сіндромам Дауна ранняга ўзросту».
Семінар праводзіла настаўнік-дэфектолаг, педагог-псіхолаг, спецыяліст па раннім ўзросце з Цэнтра карэкцыйна-развіваючага навучання і рэабілітацыі Маскоўскага р-на г. Мінска Лешчанка Вольга Іванаўна.
Развіццё пазнавальнай сферы дзяцей з сіндромам Дауна, моцныя і слабыя бакі ў развіцці гэтай катэгорыі дзяцей, магчымасці кампенсацыі слабых бакоў - гэтыя і іншыя тэмы былі разгледжаны на семінары. Асаблівая ўвага надавалася пытанням сенсаматорнага дэфіцыту, гульні ў цэлым і базальным гульням на перайманне, асаблівасцям маўленчага развіцця пры сіндроме Дауна і выкарыстанню жэстаў. У ходзе навучальнага мерапрыемствы бацькі атрымалі адказы на хвалюючыя іх пытанні па развіцці дзяцей, а ў канцы мерапрыемства ўсім удзельнікам выдалі пакеты тэматычнага матэрыялу.
У семінары прынялі ўдзел бацькі, якія выхоўваюць дзяцей з сіндромам Дауна ранняга ўзросту, з г.Мінска, г.Жодзіна, г.Барысава, г.Гомеля, г.Наваполацка, г.Дзяржынска, г.Смалявічы. Цікавасць да тэмы праявілі і спецыялісты: на мерапрыемстве прысутнічалі супрацоўнікі цэнтра, на базе якога праходзіў семінар, і лагапеды з іншых устаноў. Усяго на семінары навучалася больш за 30 чалавек.
Рэгістрацыю ўдзельнікаў паспяхова правяла дзяўчына з сіндромам Дауна Аня Сінькевіч.
У завяршэнні мерапрыемства ўдзельнікі адзначылі важнасць правядзення падобных семінараў і выказалі падзяку. З водгукаў бацькоў:
- Дзякуй велізарнае за семінар! Было вельмі пазнавальна і цікава. Раскрыта шмат пытанняў датычна развіцця дзяцей з сіндромам Дауна.
- Вельмі рада была сустрэчы, правадзіце такія мерапрыемствы часцей.
- Дзякуй вялікі за такі пазнавальны матэрыял, за прыемную атмасферу і стасункі.
- Вялікая ўдзячнасць Ані за аказаную дапамогу ў рэгістрацыі ўдзельнікаў!
